Gweithgareddau

GPS 4 x 4 Discovery Treks
From the heart of Snowdonia discover the wild green lanes of Wales.
Treks leaving daily all year round.

From our base in Manod GPS 4 x 4 discovery treks run a range of guided treks on different days varying in difficulty from first time trails to the more advanced. Prices start from £15 per vehicle for a full days trek. 5 Slots available on each trek/trek leader has 3 spare seats, £5 per seat. Road legal quads, dirt bikes, hybrid 4 x4 welcome.
Treks leave from various locations, please call.

Email: gps4x4discoverytreks@outlook.com Tel: 07542165906. Monthly run night treks. 5 day wild camping holiday run 4 times a year.

Sat/Sun treks run all year round, DVD of trek. Week day treks, holiday season only. Family and Groups welcome.

Roedd Blaenau Ffestiniog yn un o’r chwe ardal bwysicaf am gynhyrchu llechi yng Ngogledd Cymru, a llechi ddaeth a bri i’r lle. Allforiwyd llechi o’r Blaenau i bedwar ban byd a daethant yn enwog am eu cryfder a’u gwydnwch parhaol.

Gadawodd y diwydiant mawr hwn greithiau parhaol ar y tirwedd, uwchlaw’r ddaear ar ffurf tipiau, tramffyrdd a melinau adfeiliedig; a hefyd o dan y ddaear gyda milltiroedd o dwneli troellog a cheudyllau enfawr o faintioli eglwysi cadeiriol a gloddiwyd gan ddwylo yn y mynyddoedd o amgylch y dref.

Er y parheir i gloddio am lechi mewn dwy chwarel sy’n dal i weithio, fodd bynnag, mae cloddfeydd tanddaearol mawrion Cwmorthin, Croesor, Rhosydd, Wrysgan a llawer o rai eraill wedi eu gadael ers blynyddoedd. Mae Ceudyllau Llechi Llechwedd, sy’n gloddfa arddangos, yn rhoi cyfle i ymwelwyr gael cipolwg ar waith bob dydd y chwarelwyr Cymreig. Ar gyfer y cerddwr neu’r hanesydd diwydiannol ceir nifer fawr o lwybrau yn yr ardal sy’n cynnig y cyfle i werthfawrogi’r gweddillion a’r golygfeydd.

Gall archwiliadau tanddaearol fod yn beryglus ac ni ddylid eu mentro ond gan y rhai profiadol gydag offer pwrpasol. Fe ddylai eich Clwb Ogofa lleol fod yn fan cyswllt cyntaf da.

Mae clogwyni deheuol y Moelwyn yn cynnig peth o’r dringo creigiau gorau ym Mhrydain. Am eu bod yn wynebu’r de maent yn sychu’n gyflym a chan fod y graig yn arw hyd yn oed pan fydd yn llaith gall olygu amodau dringo da.

Gorwedd Blaenau Ffestiniog wrth droed cadwyn drawiadol y Moelwyn, ym mherfeddion Eryri. Bu’n adnabyddus erioed am ei feicio mynydd naturiol, draw o’r llethr sgïo, gyda dringfeydd mynyddig mawr …a disgynfeydd mwy!

Mae’n fan cychwyn gwych i unrhyw drip beicio mynydd, gan fod y Marin, Penmachno a Chanolfan Llwybrau Beicio Coed-y-Brenin o fewn cyrraedd 15 munud mewn cerbyd o ganol y dref. Ond y trysor pennaf yw Canolfan “Dh & Freeride” newydd sbon, wedi’i lleoli 1km o ganol y dref, sy’n agor ei drysau yng Ngorffennaf 2012.

Gall frolio 4 llwybr Dh o safon glas i ddu, gyda llwybr xc safon glas 8.5km, fydd yn cynnig golygfeydd godidog o gwmpas llyn Tanygrisiau. Ychwanegwch at hyn Ganolfan Ymwelwyr newydd, safle neidio, trac pwmpio a fydd yn sicrhau mai hwn fydd y cyrchfan beicio mynydd i ymweld ag ef yn 2012 a thu hwnt.

Mae Blaenau Ffestiniog hefyd yn safle ardderchog ar gyfer beicwyr ffyrdd gyda lonydd gwledig diarffordd sy’n cylchdeithio copa hudolus yr Wyddfa, gan eich gadael yn syfrdan gan y golygfeydd aruthrol a’r esgynfeydd hir drwy’r bylchau mynyddig.

Trowch i’r cyfeiriad arall ac archwiliwch fwlch Migneint, a mynyddoedd y Berwyn, sydd hyd yn oed yn fwy diarffordd, ac os oes gennych diddordeb mewn ymuno â’r clwb 100 milltir, ewch i Lyn Efyrnwy ac yn ôl drwy fwlch Llangynog.
Mae rhywbeth i bawb ym Mlaenau Ffestiniog, pa ddisgyblaeth bynnag o feicio yr ydych yn ei mwynhau.

Un o’r ardaloedd mwyaf toreithiog am lynnoedd sy’n cynnwys brithyll brown o lynnoedd y Moelwynion, Cwmorthin, Corsiog, Conglog a Llyn Adar, hyd at lynnoedd Ffestiniog, Gamallt, a Morwynion i enwi rhai yn unig gyda’r afonydd Teigl, Cynfal a’r Ddwyryd.
Os am frithyll seithliw a brown ewch i Danygrisiau lle ceir mynediad rhwydd a chaniatâd i ddefnyddio’r rhan fwyaf o’r dulliau pysgota ar gyfer pob gallu. Sefydlwyd Cymdeithas Bysgota Cambria yn 1885 ac mae’n cynnig pysgota llynnoedd rhagorol mewn amgylchoedd gwylltion. Mae Blaenau Ffestiniog, sydd ynghanol golygfeydd ysblennydd Parc Cenedlaethol Eryri, yn ddiamau yn ganolfan werth chweil ar gyfer unrhyw bysgotwr sy’n mwynhau dal brithyll brown gwyllt ym mhrydferthwch yr ardaloedd cyfagos. Caniateir unrhyw ddull cyfreithlon gyda gwialen a rîl gan gynnwys Pysgota Fflôt Tiwben, (pluen yn unig). Gan fod y llynnoedd hyn yn rhai naturiol ac anghysbell weithiau, eich dewis chi fydd penderfynu a yw hi’n saff i fentro i mewn i’r dŵr neu beidio. Lleolwyd y llynnoedd i’r gorllewin (ym mynyddoedd y Moelwyn) ac i’r dwyrain (ar y Migneint) o’r briffordd A470 sy’n rhedeg drwy’r dref.

Wedi ei leoli ar gyrion pentref Ffestiniog tua 900 troedfedd uwchlaw’r môr, Clwb Golff Ffestiniog a sefydlwyd yn 1893 yw un o’r cyrsiau golf uchaf yng Nghymru.

Gyda golygfeydd darluniadwy o Ffestiniog a’r ardal amgylchynol, mae iddo lawer o nodweddion naturiol a pheryglus. Mesura’r cwrs 68 par 4,602 medr o Dïau’r Dynion a 3,878 medr o Dïau’r Merched.

Mae i’r clwb awyrgylch gyfeillgar ac anffurfiol a chynhelir ef yn wirfoddol gan yr aelodau.

Am ragor o wybodaeth ymwelwch â gwefan Ffestiniog Golff.

Caiacio a Chanŵio yn lleol – Breuddwyd Padlwyr…

Dychmygwch eich bod yn teithio’r byd ac yn dychwelyd gyda mynydd o’r Alpau, cornant serth o Orllewin Virginia, afon o Seland Newydd, rhaeadr o Norwy, moryd o Ddyfnaint, morlin creigiog o Orllewin Iwerddon a thon lanw o sir Benfro. Ychwanegwch lyn o Awstria a dyffryn o’r Rhein. Yn olaf, lle chwarae gydag argae dan reolaeth o Golorado. Dychmygwch yn awr fod hyn oll i’w canfod o fewn 5 i 45 munud i ffwrdd mewn cerbyd. Agorwch eich llygaid, rydych ym Mlaenau Ffestiniog!

O’r lefelau uchaf i’r isaf mae Ffestiniog yn cynnig pob math o deithiau cerdded. O’r Moelwyn Bach yn y de i gopa uchel Moel Siabod mae gennych 90km sgwâr o gefn gwlad gwyllt i’w archwilio. Yn yr ardaloedd gwylltaf, mae defnyddio map a chwmpawd yn hanfodol. I’r de o’r Blaenau ac yn ymgodi’n uchel uwch ei phen mae’r Manodau. Er bod copa gogleddol y Manod Mawr wedi ei chwarela’n drwm, mae’r copa deheuol yn parhau i fod yn gymharol anghyffyrddedig a gwyllt. Mae ei frawd lleiaf - Manod Bach yn wyllt a heb ei gyffwrdd gan lwybrau. Yn gorwedd rhwng y copaon mae Llyn Manod yn ei holl brydferthwch ac yn lle delfrydol i gael picnic.

Cofiwch fod gennym deithiau cerdded poblogaidd ar ein gwefan.

Llond lle o bethau difyr i wneud!   (Cliciwch ar y llun i'w chwyddo)

- 8 Twll o Crazy Golf
- 6 Lon o Scalextric
- Cychod Rheolaeth Bell
- Rheilffordd G-Scale
- Trac Rasio NASCAR
- A Mwy!

Dros y ffordd i orsaf drenau Ffestiniog
Blaenau Ffestiniog
Gwynedd
LL41 3HD

www.itsasmallworld.org.uk (AR GAU BOB DYDD LLUN)
Ffôn Symudol: Mike 07521 482742